cropped-109A9A8E-095B-4746-9591-9F4E637409F7.png

Dvornekoviç: Në fund festojmë ne!

  • October 5, 2016
  • admin
  • Lajme
  • 0
  • 37 Views

Një ndër futbollistët që ka ndihmuar më shumë skuadrën është edhe Matija Dvornekoviç. 27-vjeçari po luan sezonin e dytë me verilindorët duke qenë ndër futbollistët më të mirë të skuadrës dhe duke kontribuar jo pak në sukseset e këtij ekipi. Ai ka shijuar edhe dy trofe, Kupën dhe Superkupën. Në një intervistë ekskluzive për “Sport Ekspres”, Dvornekoviç flet për momentin që po kalon dhe tregon edhe të ardhmen e tij.

– Matija, sa e rëndësishme ishte fitorja me Partizanin?

Ishte shumë e rëndësishme për ne, pasi erdhi në momentin e duhur. Kishim barazuar me Laçin dhe ishim larg Skënderbeut, por treguam se kush jemi dhe kush janë objektivat tona këtë sezon. Më ka kënaqur shumë kjo fitore, pasi ishte shumë e vështirë për shkak se Partizani është një ekip mjaft i vështirë. Të kuqtë janë skuadër që i shënon vështirë, por ne futëm zemrën dhe shpirtin në fushë dhe ia dolëm mbanë.

– Shumë zëra flasin për një fitore jo bindëse…

– Njerëzit gjithmonë do të flasin edhe nëse bëjmë mrekullia. Ne kemi bërë një ndeshje mjaft të mirë faktikisht dhe teknikisht, pasi e kishim përgatitur në atë mënyrë atë sfidë. Përveç kësaj në fund shihen pikët e grumbulluara dhe ne dolëm me 3 pikë nga ky takim dhe kjo është ajo që ka rëndësi.

– A ishte kjo ndeshja më e vështirë që keni kaluar deri tani?

– Ishte takim shumë i vështirë, por nuk do të them ashtu, pasi e fituam. Më të vështira kanë qenë takimet që nuk kemi marrë 3 pikët.

– Kush nga këto ndeshje ju “djeg” më shumë?

Takimi me Vllazninë në Shkodër dhe në Laç, pasi në të dyja meritonim fitoren. Në Shkodër i kishim të gjitha mundësitë që të fitonim dhe të shfrytëzonim rastet, por nuk i administruam si duhet. Në Laç mund të them se na u “vjedh” rezultati për shkak të gabimeve të arbitrave.

– Nuk përmendët Tiranën…

– Jam i keqardhur, pasi e kishim takimin në dorë me d gola, por nuk e dominuam takimin si ndaj Vllaznisë dhe Laçit që ishim më të mirë ë çdo aspekt.

– Si e përshkruani momentin që po kaloni te Kukësi?

– Mendoj se jemi në rrugë të mirë, pasi kemi fituar edhe vendin e dytë tashmë dhe po ja dalim mjaft mirë. Kemi gjetur rrugën e duhur dhe duhet të vazhdojmë me këto ritme. Nuk ka për të qenë e lehtë, por e dimë këtë gjë.

– Si ndiheni me trajnerin Gjoka?

Shumë mirë. Ai është një trajner i aftë dhe më pëlqen filozofia e tij e punës. Ka ide të qarta dhe na i përcjell shumë mirë.

– A jeni i kënaqur me formën tuaj, pozicionin dhe minutat në fushë?

Po, pasi po luaj në pozicionin tim natyral. Kam fituar minutat e mija dhe shpresoj që të shpërblej edhe më shumë besimin e trajnerit dhe presidentit. Dua të jap më të mirën për Kukësin.

– Besoni se do të fitoni titullin kampion?

Kemi një ekip të mirë, me objektiva të reja. Kemi një trajner të ri. Fryma është mjaft pozitive dhe besojmë se në fund do të gëzojmë ne.

Share:

Leave a Reply

Your email address will not be published.